روائع الفنان المبدع الشاعر الكبير صلاح جاهين((*متجدد*))

بس الله الرحمن الرحيم
انهدره انا حبيت انى اضيف لقسم اشعار وخواطر
فنان مبدع حقا
فهو انسان بمعنى الكلمة
عاش حياة المصريين بكل وقائعها
فنان شامل كما احب البعض ان يطلقوا عليه
هو الرائع صلاح جاهين .



نبذة عن حياته لكى نتعايش معه

تعريف الشاعر ...
اسمه الحقيقى محمد صلاح الدين احمد حلمى .
ولد فى 25 عام 1930.
لم يستكمل دراسته فى الفنون الجميلة ولكن حصل على ليسانس الحقوق .
تزوج الممثلة منى قطان التى اشتركت فى تمثيل الافلام التى انتجها .
وابنه هو الشاعر ايضا بهاء جاهين وعمل فى عدد من الصحف والمجلات.
مجمع العبقريات والمواهب الذى جمع بساطة الفلاح المصرى وعبقرية الفنان المحترف .
جمع من الوان الفنون ما يصعب على اى شخص جمعه فقد كان شاعرا
ورساما
وممثلا
وموسيقيا
كان جاهين ابدع من كتب بالعامية المصرية الاصيلة مستخدما الفاظ الشارع المصرى
البسيط لتصوير الاحداث الجارية فى كلمات اغنياته وفى وجوهه الكاريكاترية المعبرة عن الواقع وقد احب جاهين البسطاء
واسكنهم كلماته ورسوماته فمنحوه كل الحب والاحترام وقد عشق الجمهور رباعياته بل اصبحوا يترنمون بها فهى مدرسة فلسفة الحياة بل انها اصبحت امثالا يرددها العامة
وقد اعتبره النقاد امتداد لبيرم التونسى سيد الزجل الشعبى والسياسى فى مصر القرن العشرون..

..*رباعيات صلاح جاهين*..

خرج ابن ادم من العدم قلت :ياه
رجع ابن ادم للعدم قلت:ياه
تراب بيحيا .... وحى بيصير تراب
الاصل هو الموت والا الحياة

وعجبى!!!!

ضريح رخام فيه السعيد اندفن
وحفرة فيها الشريد من غير كفن
مريت عليهم ... قلت ياللعجب
لاتنين ريحتهم لها نفس العفن

وعجبى!!!!

ياما صادفت صحاب وما صاحبتهمش
وكاسات حمور وشراب وما شربتهمش
اندم على الفرص اللى انا سبتهم
والا على الفرص اللى ما سبتهمش

وعجبى!!!!

والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود

وعجبى!!!!

انا شاب لكن عمرى الف عام
وحيد لكن بين ضلوعى زحام
خايف ولكن خوفى منى انا
اخرس ولكن قلبى مليان كلام